أغنية & دنيا غريبه & بقلم الشاعر : السيد عطيه
أغنية : دنيا غريبه
كلمات الشاعر / السيد عطيه
*****
دنيا غريبه غريبه ياناس
كل دقيقه بألفين حال
نفسي ف غيط حب وأحساس
ونهدي الكل يمين وشمال
*****
الغدر يبقى ف طبعهم
وف وشي يضحك سنهم
لا أنا شكلهم ولا منهم
ولا على قلبي كام ترباس
دنيا غريبه غريبه ياناس
*****
أصل اللعبه بمليون وش
لما تحبه يخون ويغش
نرش بورد بشوكه يرش
ولا يفرق عنده قلوب من ماس
دنيا غريبه غريبه ياناس
*****
ماتقول ياقلبي ف إيه طمعان
طمعان يكون جواه
أنسان
ويغلب طبع الحب يبان
ع الوش وجوه القلب أساس
دنيا غريبه غريبه ياناس
*****
كلمات الشاعر / السيد عطيه
مصر
تعليقات
إرسال تعليق