قصيدة & ياللأسف & بقلم الشاعر : عامر الجبوري

/ قصيدة ياللأسف /

.__________________

.

ياللأسف كل الأسف 

بعد ما تراد  الحقيقه

وثوب الوفه شح بالسواق

وكلي منهو اليجيبه 

____

صار الكذب وجهت  نظر

والكل يتحدث بيه ويريده

وصار الصدك ما ينهضم

ماينسمع ولا ينطرق حديثه

_____

شماله البشر أشبيه تغير

وتيه طريقه

والكلبه طيبه وعنده وفه

ليش و بلا سبب

أيغدره الوكت ويخونه صديقه

_______

حتى  العشك صاير مزيف

يحظه بيه بس المليان جيبه

والماعنده كم    فلس

بالعشك ضايع نصيبه 

________

شما أصفى وي هذا الزمن

الكاه جامع الي شكم خيبه

أحباط ويأس من والوكت صحتي

يا قسمتي كلش غريبه 

_____________

أعتب على الزمن 

يرجع الي صوت الصدى 

ويكلي العتاب ما بي نتيجه

اسكت للأبد ولا تنصدم 

هاي دنيتك تكره صاحب الطيبه 

._____

أخذ العبر من الأحداث 

وتعلم درس  من كل مصيبه 

وكف العتب ونسى المضه

عيش بدنيتك مثل الضيف

              لا تنجبر على ما ترغبه 

ولا ترضه بالماتريده 

.

.

.

#عامر الجبوري          .  ياللأسف