ألو
مين معــايـا انـــا سمعــــاك
من دي اللي عاشت نسيــاك
يكونش غلطان فى العنـوان
معـــاك يا أمــي وحشتينــي
وحشنــي صـوتك يداوينــي
فــى بعــدي عنـك تنسينـــي
أنا اللي ليكي فى كل زمـــان
بصي بعيــونـك دول ليَّــــــه
دققــي فى وشـــي شـويـــه
تقاطيع ملامحــي مصــريــه
باين علــى كفـوفي شيقـــان
أنـا إبن مصـر المحــروســــه
وحشتني شمسي الشموســه
شبهت غربتــي بالســوســــه
نخرت شبـابي وضــاع بأوان
أنا ابنك اللـي دايب فيكــــي
يشهد ترابك اللــي عليكـــــي
من شال سلاحه ويحميكـــي
ويرد أى خسيس وجبـــــــان
حـــالف لينصب أعـــلامــــك
من غيــــره حقـق أحـلامــك
كــــان السنــد لك قــدامـــك
وع الحدود عشانك سهـــران
يا غاليــه يلــي شاغلتينــــي
تبقـي حبيتـي ونور عينـــــي
ليه بس فى الحلـم تجينــــي
زعـلانه وف حضن النسيــان
يــا إبنى بس إهـدي عليَّـــــه
تعبــــانه وبعــافيــه شــويــه
كل الحكـــايه انــا منسيَّـــــه
ولا كنت ديمـاً فى الحسبــان
معــاك يا إبنــي يـا ضنـايــــا
ساكن فى قلبــي وحشـايــــا
منــايـا ترجـــــــع وهنــــايــا
متكونش من أمـك زعـــــلان
طب طمنينــي علـى حــــالك
بتبكي يامــا قـوليلي مــــالك
حزنك دا كلـه علــى عيـــالك
من كان بِعـيدْ عنـك فرحـــان
انا بس خـايـفه علــى أولادي
ينسوني في حيــاتهـم عـادي
أنا اللي طول عمري بنـــــادي
بقول ولادي من الجدعـــــان
بس الحيـــاه صعبـه عليهــم
كان ممكن انتــي تسانديــهم
يــامـَّــا ولادك تسبيـــهـــــــم
متغــربين ولا فيــها حنــــان
تبات دموعهم فى عنيــهـــم
والغــربه مُــره بتكـــويــــهم
دا النظــــره منك ترويـــــهم
مكفايه بعـد كفـايه حـرمــان
من ديوان إبن الصياد
بقلم محمود فوده
تعليقات
إرسال تعليق