حلم حياتنا...14
حلم حياتنا لما تكون قلوبنا صافيه والحب والخير من تاني يجمعنا
نعيش الحياه وقلوبنا بالإيمان دافيه وحاسين دايما بالسعاده والبسمه وربنا يكون راضى عنا
بعيد عن الشيطان والرغبه وحاسين دايما بنجاحنا وتحلو الدنيا ف نظرنا
ومحدش يقف ف طريقنا ونحب الخير لغيرنا ونراعي ربنا وضمايرنا
ونقول يارب كتر أفراحنا وبارك يارب ف أرزاقنا ونحمد ربنا ع النعمه وإحفظ أولادنا
بالإيمان الكل هايتهنى والحب يملى قلوبنا ونعيش الحياه ونرضى بنصبنا
حتى لو مش ف خيالنا دا نصيب وربنا كاتبهونا حتى لو مش ع مزاجنا
مش شطاره لما نسمع كلام الشيطان ونجري ورا غرايزنا ونخالف ربنا اللي خلقنا
الجنه مش ساهله حتى ف عشرتنا والناس اللي تحبنا وتعشقنا وتحسسنا دايما بوجودنا
نفكر بالعقل والحكمة مش بقلوبنا ونحاول نصلح من عيوبنا وندور ع الشئ اللي ينفعنا
وننسى الماضي ونفكر ف النهارده ازاي نسعد غيرنا ونحقق أهدافنا
ليه نعملها قضيه وننهى كل شئ بكلمه بعد عشرة سنين كانت ف يوم بتجمعنا
وندور ع حاجه كانت شاغله تفكرنا ومرت ف حياتنا
ونعكر صفو قلوبنا ونفضل نبكي ع شئ انتهى من مده ونجرح غيرنا
بكلام سخيف مالوش أساس بالمره وتنكشف عيوبنا قدام أهالينا وصحابنا
ونبقى نقطه سودا ف نظر أولادنا بسبب المتعه واللذه اللي مسيطره ع عقولنا
احنا خلاص كبرنا والعمر عدى والموت ف إنتظارنا ولينا رب اسمه الكريم هايجي ف يوم ويحاسبنا
ازاي وقتها هانداري عيوبنا ونبرر موقفنا قدام اللي خلقنا ومسؤل عنا
لازم نهدى ومافيش داعى نشغل تفكرنا بأوهام وان كانت حقيقية لكن مش من نصبنا
الاسلام نعمه وشرع بيحمينا ويخدمنا وكمان ف صالحنا
شغل السيما مش هاينفعنا ولا هايكون دافع لهدايتنا ودي الحقيقه ولازم تلفت نظرنا.
مشوار من العمر ربنا عليه هايسألنا وهانشوف بعنينا قد ايه أخطأنا ف حق نفسنا وغيرنا
سيبكم من الفلسفه الفارغه وابعدوا الشيطان عن طريقنا
دى دنيا زايله مافيهاش غير الكره والقاسيه ومش هانخد غير أعمالنا
واحنا اللي بنحدد سكتنا وكله بختيارنا حتى ف كتاباتنا وطريقة تفكرنا
ارسموا السعاده والفرحه بكلام جميل يفيدنا ف حياتنا الشخصيه والعامه تفدنا بعد وفاتنا
دي رساله ونصيحه مهمه ليها دليل ومعنى يسعدنا وينور شموع أحلامنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال إعجابنا وتحسن من أخلاقنا.
الشاعر طاهر مختار عتيت
تعليقات
إرسال تعليق