( بحور عينيك)
بقلمى الشاعر / محمد غبن
شاعر آل غبن
3/8/2020
في بحور عينيك مش
لاقى حل ولا سبيل
ساكن جوايا الوجع وإنت
اللى بإيدك الدوا لقلبى العليل
ولا عايزنى أمشى وأحكى
لكل الناس فى الشوارع
تايه فى عشقك وشرحتلك
من زمن القلب كله مواجع
متحنى شويه بلاش تخلينى
في خبر كان خليني فعل مضارع
اعيش معاك الهنا يضيع من جوايا
الأنا وأحلم بنور فجرنا اللي طالع
دا إنت صبحت جوايا شئ
ساكن ومعاه نبض روحى وحياتى
هوا العشق ايه ياغاليه
غير تكون مالك قلبي وسكناتى
وإنت غير كل البنات
قلبى شاور عليها وإختارها
احرمه منك يعنى ولا اقوله إيه
اتحمل واللى خلقها خلق غيرها
مش هيتحمل كلامى ومش
بعيد يتعب أويتخانق معايا
هفهمك بس أصبر عليا
شويه وهرسيك ع الحكايه
ممكن تكون مش حاسه
بيك وندخل في روايه ومشاكل
لالا أنا برضوا بحبها وهصبر
عليها سنين عمرى اللى فاضل
ياااه كل دا عشق وحب جواك
ساكن ومش قادر تنساه
دا أنت غلبت قلوب العشاق
فى الحب والتحمل والمناجاه
مفيش قدامى غير إدعى يقرب
بينكم وتعيشوا مع بعض الحياه
تعليقات
إرسال تعليق