الفتن عامله زى صبيه حافيه
مشمره عبايتها وبتجرى وتبرطع
كل اللى يشوف سمانتها البيضه
ورمان صدرها يتهز يقف على حيله
حتى لو كان قاعد............ ومربع
ودى اهم لحظه للى مسلط الصبيه
تفتن العيون كل ما تشد العبايه وترفع
يمد ايده فى الجيوب وبكل سهوله
محافظ مهابيل الفتن يسرق ويجمع
وفى لحظه تختفى ............الصبيه
فص ملح وداب .................ياعنيه
ويفوق الخلق وضاعت منهم المهيه
ويرجعوا بيوتهم للعيال وللوليه
يقولوا اسرقنا منهم لله الحراميه
وجواهم بركان من الغيظ هايفرقع
وعيونهم من الحسره راح تتدمع
مش على المهيه والعيال والوليه
عشان الصبيه اللى محدش بيه اتمتع
وده حال للاسف الشعوب العربيه
اللى عايشين فى عربده وفتن قويه
لو سابوها ورجعوا للوحده العربيه
راح يسوقوا البشر والكل ليهم يسمع
@@@@@@صدقى هيكل@@@
تعليقات
إرسال تعليق