قصيدة & تحيا الستات & بقلم الشاعر : صبري رسلان

تحيا  الستات    ( 183)

.......................

لما  الضحكه  تعدي  علينا  

وما   نقولش  سلام 

هنداري  كسوفنا  وبأيدينا  

ونتوه   في  كلام   .. 

خدها  نصيحه  وارسم  بسمه

أنا   حذرتك      ...

هتروح  في  بلاش    ..

آه  من  قسوه  بعض   الستات 

ما  فيهاش  عضلات  خبطيتها   ممات  

مكنسه  وخلافه    عض  وحركات  

بنقول  بعضهم  ..   تحيا  تحيا

تحيا   الستات    

مضروب  علقه   مورمه   جنبيه  

كدمات  سحجات  وورم  في عينيه

ما انت  الغلطان  حزنك  باين 

والبوز  شبرين  ..

قولنا  لك  100  مره  ما  تفهم  

كلمه  حاضر  وعينيك  لاتنين 

مالنا   إحنا  ومال  أم  مرأتك  

سقياك  من  الويل ..

قدامك  اهو  سيد  صاحبك 

مكسور  ضلعين   ..

والحاج   زهير   الله  يعينه  

مشلول  له  سنين  ..

كان  غيرك  أشطر  ما  تطاطي  

وأحسن  لك  عيش 

ده  أمام  المسجد  ذات  نفسه 

الشيخ  درويش  ..

له  يومين  ولا  فاق  من  غيبوبته   

أدعوا   له  يعيش   ...

لما  الضحكه  تعدي  علينا  

وما  نقولش  سلام   ..

كان أحسن  ليك  كنت  تطاطي  

ويا   دوب   هتنام   ..

شايلينه  مربعن  ومربط  

بتوبين   من   الشاش  

ايه  اللي  حصل له  

جاي   حادثه 

من  الأاااه   ما  هداش  

قالولنا   إتأخر  عن    بيته  

له  ساعه  ما  جاش  ...

والست  بطبعها   غياااااره  

قطر  ما  يهداااش   ..

فرمته  عجنته  بكعوب  جزمته  

لحقوة  خطفوه  لساه  له  عمر  

شوفتوا   مقاوحيته  الناس  نجدته

من  طيخ  و  طاخ  .

ضربته   سويته

ولا  شوى  فراخ

تحيا تحيا  تحيا  الستات  

قدام  اهله   عامل  عنتر  

يشخط تشوفوه  بجد  مسيطر  

ليلتك  سوده  قوم  لي  إتحضر 

كسرت  ضهرة  في  رابع  شهره   

قاعد  في  البيت  مين  يوصله  

عنده  جهنم  كان  ارحم  له

بصه  بترعبه  كلمه  بتألمه  

كان  بيفكر   ..الله يرحمه

بتقولوا   حاجه   لا لا لا 

تحيا  تحيا   تحيا  الستات 

بقلم  ..  صبري رسلان